Hae wôl 't al langer, jaore achterein.
Ed're kieër die spanning, sneej 'm door merg en bein.
En auch zien vrouw en kènjer wiste mer al te good,
wiej d'r waeke väör dae daag, in groeate spanning zoot.
'D'n aanhaojer wuntj', zoea weurdj altied gezag.
Dus hej auch dit jao Harie de buks weer aangelag.
Neet te gluive, neet te filme, mer dae druim, dae weardje waor.
Want Harie woort de käöning vanne sjötterie dit jaor.

Refrein:
Harie haet de vogel aafgesjaote,
hae is de käöning vanne sjötterie.
De vlagge hange oet in alle straote,
en de ganse sjötterie die truktj väörbiej.

Hae is 't dus gewore, hae löp noe inne riej,
same mit zien vrouw, es käöningin d'rbiej.
En väöraan biej de trômmelkorps de dochter en de zoon,
die hejje noe op zôndig niks anges mieë te doon.
De ganse sjötterie die dreug 't paar op henj.
De luuj oet 't dörp, staon altied langs de kenj,
vanne waeg en vanne straote. Haries druim dae weardje waor,
want Harie dae is käöning vanne sjötterie dit jaor.