Jos den Bosch zit nou in Jemen
en Jemen is mich get te wiet -
langzaamaan mot ich bekinne
mien alte kumpels bin ich kwiet

Joja wont wer in Maastricht,
nou is det op zich nog wel te doon -
dae zou ich kinne belle
heij dae mer telefoon.

Ich lik te balen op de bank
zatterdigaovend - ich wil stappe
mer idderein wont wiedeweg
en ich wil verdomme op de lappe -
Ich goan nou einmaol neet zoe gaer allein
ich veul mich onterecht gesjorst -
en des gewoen ontzettend jammer - want hèj ,
ich heb unne pracht van unnen dorst

Sjnaat en Piet ,die zien in Pruusse
en vast en zeker op de hort
die van mich , die is al lang nao bove
dus aet ich chips en kiek ich sport

Na na na naatje zeen ich aaf en toe nog wel
mer aaf en toe is neet zoe duk -
en det is 't wel zo'n bietje
want Cor dae heet 't wiet te druk.

Ich lik te balen op de bank
zatterdigaovend - ich wil stappe
mer idderein is wiedeweg
en ich wil verdomme op de lappe
Waem geit er met, ich gaon neet gaer allein,
ich veul mich onterecht gesjorst
en des gewoen ontzettend jammer
want ich heb unne pracht van unnen dorst -

Ich zep mich de blaoren op de vingers
ich kiek nao alles wat beweegt-
och god, dao hees ze Playboy onnoch
mer ich kan gin sillikoon mier zeen
ich kan gin sillikoon mier zeen