(officieel Jocus-leedje)

Jocus dao mit zien vaan, in zien scheepke kump daojaan.
Zeet de vent, wie content, hae is gans patent.
Zeet wie um det hudje steit, en det scheep de golve sleit.
En die paerd, wie allaerdt: die zien ôs vuël waerd !
En die paerd, wie allaerdt: die zien ôs vuël waerd !

Jocus hèj, wiet ge zeet, brink maar vreugde, gen verdreet.
Det is waor, op en haor, ach daag nao Niejaor.
Laote wèj zoe maar veuraan gaon, en ôs hèj maar good verstaon !
Gooje mood, det is good, veur waat gèj hèj doot !
Gooje mood, det is good, veur waat gèj hèj doot !

Lustig zien, Joekserie, mak ôs breurkes, gek en blie.
Mit ôs kap, wie Hans Flap, maake wèj die grap !
Sch-oë-oën wie einen raegenbaog, wie um hèj nog nemus zoog.
Lache wèj, zinge wèj, drinke ouk derbèj.
Lache wèj, zinge wèj, drinke ouk derbèj.