Refrein:
Heej is vroleke Jan
En zeej is blieje Miep.
Mit de vastelaovend
Zien zeej mekaar âlt kwiet.
Heej duut buurte, buurte en zeej geniet.
Heej de vroleke Jan en zeej de blieje Miep.

Jan was ‘ne Casanova
Totdat heej Miep zaag staon.
Mit Miep as Dolle Mina
Is toen iets mojs òntstaon.
Mit nóld en draod gón ze ’t gânse jaor tekieër
Um iets mojs te make van eur carnavalsklieër

Ien nòvvember gón ze plekke
Krânte òp ’t gaas
Mit de hieële buurt
Stón ze aovende ien ’n graas
Want wert ’t vastelaovend ien ’t Limburgse lând
Stón zeej òp de wage same hând ien hând

Nòw zien ze vur âltied same,
Al zien ze zich soms kwiet.
Már wie is zichzelf nie kwiet
Ien dizze mojjen tied?
Is ’t fieës wér áfgeloeëpe ien ’t Limburgse lând.
Stón ze neuchter ien ’t laeve same hând ien hând.