Ik weit nog good wie of 't zoot, mien iërste glaeske beer
stond aan d'n tap met ozze pap, d'n ober zoot 't neer.
En pap dae zag : ' Nog ef gewach veurdesse 't dich guns.
Kièk good nao mich, ik wies 't dich, want drinke is ein kuns ! '

Refrein:
Pak met dien eine hand 't glaeske beej de rand,
en kièk dan met bedraag ens nao dae schoëne kraag.
Dan wuurt haldvas gezoch, en haolse hiël deep loch,
en preufs veurzichtig, det kosbaar voch !

't Ging dus good, det goof mich mood, ich dach det smak nao miër.
Dus zag ik : ' Pap, 'k laot zeen wie rap det ik dien lesse liër '.
't Beer det waas zoë in 't glaas, jao machtig gold van kleur.
Toen zag ik net : 'Noow opgelet ! Dan doon ik 't og veur ! '

Nae, jônk geliërd waas neet verkiërd, zoë bliek steeds weer opniej.
Drink mit plezeer mien glaeske beer al jaore op ein riej.
'k Dink beej ein glaas dök wie 't waas d'n alleriërste kiër.
En aan d'n tap dink ik aan pap, vergaet zien les neet mieër.