Refrein:
Ik zeej ow waal zitte, ma geej zid meej ni stoan.
Hoe leg ik dat toch a ?????????????
Dat geej meej zid zitte, as geej meej zid stoan.
Hoe leg ik daat toch a ????????????
Hoe vroag ik ow te danse, of met meej te goan ???
Hoe mot ik sjanse, wat daan toch gedoan ???
Dat geej meej zid zitte, as geej meej zid stoan.
Hoe leg ik daat toch a ??????

Ik ken en hiel moeij megje, geej kent eur ok misschien,
mit van die greune oege en oh zo´n fiene lien.
Ik durf eur ni te vroage, ik heb gen stoute schoon.
Ik zuj ut wille woage, ma wiet ni wat te doon.

Ik vroog ut aan mien vriende: gaef meej us gooije road,
en paar hiel gooije wenke, en ik bin van de stroat.
Steur eur en buuske bloome of enne liefdesbreef.
Dan zal ut d´r van kome; en wette wat ik schreef.

Ik bleef ma prakkezere: hoe giet zo´n veurke a ?
Wat zal ik ´s probere of kumt der toch niks va ?
Ma toen kreeg ik en kartje en wette wat doa stong ?
Veul kruuskes in en hartje, en allerleefste jong.