Ik vuul mìj geweldig

Tekst: 
Dave Cavis
Muziek: 
Dave Cavis
Artiest: 
Dave Cavis
Album: 
Plaats: 
Venray
Jaartal: 
2004

Ik vuul mìj geweldig
Vanmaerge toen ik wákker wiër, ik stoont wér te laat òp
Ik vuulde 't toen al metieën, de pien ien miene kop
Dat heb ik âltied mit dees daag, dat huuërt d'r schienbár beej
Ik heb ze dan wel allemól, mar niet goëd òp 'n reej
Ik noom 'n asperien en mòtte mìj nòw ziën

Refrein:
Ik vuul mìj geweldeg, dat kunde wel ziën
Ik vuul mìj geweldeg van baovenán
tot oonder ien mien tieën
Went vandaag is 't mienen allerbaesten dág
De vastelaovend goj ik viëre mit 'ne lách

Vanmiddeg bute ûrelang d'n òptóch kunne ziën
dén was dit jaor wér mojjer en nog lánger ok méschien
En òp 't aend de bieën muuj, de tieën bieësteg kâld
Van ieëlend ziej ik toen már 'n kefeeke ien geknald
De sfeer die zaat d'r ien en mòtte mìj nòw ziën

Vanaovend òp 't hofbal, mit mien vriende ien de taent
daor kenne wìj gén zörg of gekloj van de gemaent
Dan wille wìj 't viëre 't fieëst van allemól
Mit vastelaovend gón wìj âltied lekker uut òzzen bol
En roond 'n uûr of ieën, dan mòtte mìj aens ziën