Oet de revue 'Grubbevors, mien dörp'

Refrein:
Ik ken dit dörp, ken elke straot, ik ken heej alle minse.
Ik kôs mich vur 't Gebraoke Slaot gen baeter plekske winse.
Ik bliéf heej zweve met plezeer, ik weit nou zeker wát ik doot.
Ik gaon ech nörges anders heer, heej is 't laeve good!

As ik op drukke daag nao d'n bekker gaon,
en efkes achteraan in de riej môt staon,
dân bliéf ik röstig wachte, wânt dao kriég ik,
vuël dörpsniejs beej elke mik.
Ik gaon duk met plezeer nao de supermaert.
Dât wachten beej de kassa is mich vuël waerd:
Dân zeen ik moëi vân eder dae veur mich löpt,
wât dae zoë vân zien cente köpt.

Âs ik mich mej beej Tedje en iéske aet,
dân huër ik wie dao duk zonne vremde zaet:
'Wât is 't beej daen Theo toch altiéd druk,
wât heb ik pech en dae geluk!'