Oet de revue 'Grubbevors, mien dörp'

Ik hald van Grubbevors, zoë wie 't waas,
hald dât karakter vas vân bos, veld en graas.
Laarze zitten dich te strak' en klômpe zien te klein,
maar stadse schoon, dât steit mich neet, dât zit ok neet fijn.

Maak dich 't leefs neet breier dân-se âs klein dörpke kâns zien.
Staks knap-se oét dien kleier, veuls in al dien knäök de pien.
Neum toch dien bôks neet pantalon, neum toch Manchester gen ribfluwiël.
Maak gen pompeus theater, speul maar gewoën toniël.

Ik hald van Grubbevors, bliéf wie-se waas,
dân blief-se ech vur mich Parel aan de Maas.
Hald dien waeze altiéd vas, blief klein en daodoor groet,
dân blief ik dich ieuwig trouw, al aet ik Horster broëd.