Refrein :

Hèb ik gezónge èn gesprónge, óppe tòffel wér gestao,
‘ne Wals gedanst èn ók gesjanst, mesjien ‘t leecht wàl utj gedao
Wa gedrónke, ók geklónke vastelaovend wér geviert
As ik dè allemòl zò huuër, waar dè ècht nie zò verkieërt
Mèr nóndepie, ‘t is wér zò witj
Ik bén ‘t allemòl kwitj

Couplet 1:

Smèèreges wéér ik wakker, mi ‘ne kóp die èksplódeert
Ik wao óp tidj nó husj, ik hèp ‘t gepróbeert
Dan sjèk ik èffe feesboek, óp zuu:k nò wòr ik waar
Min fotoos zin getègget, gelaiked, kerdjuu wa kie:k ik raar
Wie waare d’r nòg mieër?, mi wie bén ik geweest?
Kan iemes méj vertélle?, waar ik d’r tòt ‘t leest?

Couplet 2:

Saoves laat de straot óp, óp weg nò ut kefee
In pólónééze nò binne, ik kwéék de liedjes mee
Béj ‘t leeste rundje, val ik wér dur de maand
De tidj totáál vergééte, ‘t is wér groeëte sjaant
Hoe bén ik tusj gekómme?, wòr bén ik tòch geweest?
Kan iemes mèj vertélle?, waar ik d’r tòt ‘t leest?

Brök:

Vul te laat, vul te zat
Aaltidj wér teveul gehat
Smèèreges vruug geliek in bat
De sjmienk deróp en wér óp pat
vastelaovend saame
Dòr drèèjt ‘t tòch um