Iech zaog 't leech!

Tekst: 
Gilbert Peters
Muziek: 
Gilbert Peters
Artiest: 
Duo X-elle
Plaats: 
Maastricht

Iech höb ’t leech gezeen, iech höb ’t leech gezeen
mèt Vastelaovend zaog iech ’t leech!

Nao ore Karnevalsgelök begaof iech miech op weeg
en fietsde fijn noe hoes touw, gans kontent mer zoonder leech
obbins zaog iech twee lempkes, ‘ch dach: “Dao rijste tössedoor”
de lempkes woorte groeter, mer d’n oto dee reej door…..

Refrein
Iech zaog ’t leech
Iech zaog ’t leech
mer iech wis neet mie wat iech deeg
dus iech reep: “Leve höllep”
en kroop in mien sjöllep
’t kaom vanoet d’n hiemel
jao, want iech zaog ’t leech!
2x

Wie iech mien ouge opedeeg, ‘ch versjrók miech wat iech zaog
iech dach: “Dit is d’n hiemel” mer toen wis iech boe iech laog
de köp vaan twie peliesies hónge dreigend bove miech
en sjijnde mèt hun zaklamp… rech in mie geziech!

Refrein

Iech had neet väöl gedrónke, dus iech lachde in mien voes
gei sjremke had iech aon miech, dus iech fietsde gaw nao hoes
’t waor nog Vastelaovend en iech druimde vaan gelök
en in mien deepste druime zaog iech alles nog ‘ns trök!