Refrein:
Iech bin de Chef. (3x)
Iech höb den titel en de rang en iech bin veur geine bang.
Iech bin de Chef. (3x)
Iech daon alles wat iech wèl en de rest hèlt ziech mèr stèl.

De kok vaan ‘t sjiek hotel had wortelsap gemaak.
Heer preufde en heer voond ze good, ze waor perfek vaan smaak.
Mèr ziene chef deeg achteraof gèt wat dee kok neet wis.
Heer goeijde extra kruije drin en had ziech toen vergis.
De sop waor neet te ete, de klante waore koed.
Toen gaof de chef de kok de sjöld, dee kreeg ‘t op zien broed.

D'r waor ins unne ambtenaar, dee waor neet zoe kontent.
‘t Laog neet aan ‘t wèrrek en ‘t laog neet aon de cent.
Mèr beij alles wat heer deeg, stoont de baas ‘m op de veuj.
Vaan al dat kommentaar woort dee ambtenaar zoe meuj.
En wie dee gooije mins daor toch ins gèt zag,
toen trok de chef aon zien krawat en spraok mèt vette lach: