Ieëwigheed
Tekst:
Ger Prickaerts
Muziek:
Trad.
Artiest:
Klumpkes Blumkes
Album:
Klumpkes Blumkes - ' Vasteloavesgekte in 4 dialekte ' - JBL LS 98367
Plaats:
Heerlen
Jaartal:
1998
Vasteloavend beleëve
is jet sjuns en jevrèks
jaomer 't doort mer hiel eve
is mer kort en neet deks
Sjtad en dörp in hiël Limburg
euveral is groat feës
welke taal v'r och spreëke
uuveral klinkt alaaf
sjtuk van os Limburgse leëve
dit numt ginne os aaf
Loate vier nog get viere
vuur zoelang 't nog geet
hoate dit altied in iere
zonger kinne v'r neet
Tot in ieëwigheed ame
mot dit blieve besjtoa
sjpasvuuëgel viere 't same
jiëker joar zint v'r doa
tot in ieëwigheed ama
mot dit blieve besjtoa!