Ieëwig carnaval

Tekst: 
Frank Deguelle
Muziek: 
Frank Deguelle & Peter Philips
Artiest: 
Ongereigeld Lollig
Plaats: 
Klimmen

Refrein:
Veer viere ieëwig, ieëwig carnaval,
ieëwig, ieëwig carnaval,
hauwe op de trom en maake sjpass,
en loupe in d'r vastelaoves-pas.
Veer viere ieëwig, ieëwig carnaval,
ieëwig, ieëwig carnaval.
Ein Molmoesjaor is sjnel veurbie,
daorum dunt v'r nog ein oer d'rbie.

Al doezend jaor en langer is 't hie ei paradies.
Nog doezend jaor en langer zinge veer dezelfde wies.
En jaor nao jaor nao jaor nao jaor sjnap veer os lekker vas.
Mit d'r vastelaovend kump d'r bolhood oet de kas.

Doezend jaor geleeje sjoot d'r Sjeng al op d'r haas,
en euver doezend jaor is hie d'r prins auch nog de baas.
Seconde nao seconde geit d'r sjelleboum veurop.
't Geveul blief ummer lekker, dao kint nieks mie taegenop.

En euver doezend jaor is dat nog ummer waor.
Gans Klumme zingt mitein dan same dit refrein.