Ieën geluk

Tekst: 
Monique Butt
Muziek: 
Monique Butt
Artiest: 
Harmonie de Vriendenkring
Plaats: 
Well

Ge het wel van die meense en doar huur ik dus ok beej
Gón die ‘s op weentersport dan lit d’r genne sneej
Heb ik ’s d’n auto nuedig is d’n tenk net lèg
Of d’n bessem brikt meej af as ik de keuke vèg
En mit koffiezette zie ik ok altied de klos
Dan is die vurroadbus net lèg
en mot ik enne neeje pak anbrèke,
zonder knoeije krieg ik den nie los…

Refrein:
Ik heb ok altied pech, noeit göt ’t meej ‘s vur de wiend
Ik zie d’r an gewend, want och ik haj dat al as kiend
Ik zie richtig vur en dubbeltje geboare
En ik zal noeëits of nimmer dus en kwartje worre
Mar ik heb ieën geluk en dat is lang nie mis
Ik kom uut Well en dus wieët ik wat Vasseloavend viere is
As ik meej dat bedeenk krieg ik wer goeje zin
Wat en geluk toch dat ik hier geboare bin!

’s Merges as ik mot gon werke is ’t al ze wiet
Ien de file wieët ik al: ik kom nie mer op tied
As ik dan ’s kloar zie noa en sanitaire stop
Is natuurlek net die rol wc-papier wer op…..
Loeëp ik uut vurzichtigheid ‘s veilig op de stoep
Dan val ik ovver enne losse tegel,
knal tegge de luchtepoal
of trej wer midde ien de hoondepoep…