Refrein:
As ich wil jodele, dan jodel ich waal heej.
Met vastelaovundj jodel ich in 't kefee.
Vör mich gein weentjersport, ich hoof gein sniee en iees,
want met di-j daag es Wieert mien paradiês.
As ich heej jodel heb ich 'weentjersport aan hoês,
gaeftj mich mer dri-j daag vastelaovundj lekker toês.

Ich heb een reis gewonne nao de Alpe in der Schweiss,
mer wi-j ich de vurtrekdaag zoog, kreeg ich 't toch waat 'heiss'.
Ich beldje met det maegdje van 't reisburo,
en zag dich geufs di-j reis mer unne ângere kedo.

De bös di-j es vertrokke nao de Alpe zoonger mich,
want ich, ich bleef gewoeen in Wieert, dao jodel ich met dich.
Mien Annelies, 't maegtje van 't reisburo,
jao, zeen ze os nôw loupe, zingtj 't eeders kieer opnôw.