Refrein:
Ich weit 't neet, ich weit 't neet, ich weit neet wat ich wil.
Es mich get gevraog weurdt dan val ich effe stil.
Ich weit 't neet, ich weit 't neet, ich ken dat gaar neet aan.
Ich ben e bitje bang, dat ich mich dan weer sjaam.

Es de juffrouw in de klas ein bitje lestig deit,
Dan is veur mich de lol d'r aaf ich weit al wie dat geit.
Ze kiekt os dan al lachend aan ich weit doa kump ein vraog
Dan wear ich rood 't zweit brik oet ich denk opens hiel traog.

En toes hub ich dat aug waal ens dan vreug mien mam aan mich:
'Kendj noe kiek toch neet zo zoer, zet ein lach op dien gezich'
Mer ich pieker alle daag, wie doon ich toch get good
Ich ken t uch vertelle dat vergt toch gans get mood.

Mer mit de vastelaovend hub ich dat geveul neet miea
Dan kleppert miene rebbedep dan ratel ich veur twiea.
Es mich iemes dan get zeat dan kal ich waal van mich aaf,
es ich 't dan neet weit roop ich hiel hel - Alaaf! -

Dan weit ich 't dan weit ich 't dan weit ich 't hiel good
Dan zit de sjpas en lol d'r in dat zit mich in 't blood.
Dan weit ich 't dan weit ich 't , ken ich de waereld aan.
Ich loop dan in de polonaise mit mien sjnep veuraan. (2x)

Weit neet, .............. besteit neet.