Ónger ‘n nieëveldek ligkt ‘t kesjtieël te sjlaope
’t Zónleech kump durch ’t laover aagekraope
Zieën riddesj vechte, graove danse
Sjpanjole, Pruuse, en aoch de Franse
Bokkeriejesj, Gilde va de nach
Erm luuj, ónsjuldig mer gevange
Biej Kathage woerte ze opgehange
Pienbank, gemarteld, aafgesjlach

En ich klum mit mien kinger i dae toere
en v’r zieën va baove ‘t Breuker wiedgezich
en d’r tied vluugt en zaet wiej ’t is gewoere
en ich laot ‘t verleje achter mich

Huër de witte freule zjwervend wiej ze zóng
Vreëkend ómdat ze häör zieëlerus’ neet vóng
Paesjgetrampel,’t zjwaard wat blinkt
‘n Träötgesjal “ten aanval” klinkt
En de waorzegkster zie wit aoch va wante
D’r baedelaer en de gravin
Pesjtoer baeënt luuj d’r hieëmel i
Beul en sjout mit zien trawante

Kaers vuuër ‘t vinster i de nach
Dat houw d’r Fransoeës ech noeëts verwach
bösjep Damiaan bleef i zien geheime kamer
i d’r oudste aetzaal va Gebrook
tuën ich mien kinger ‘t kotslaoëk i d’r hook
en i d’r kerker gaet ‘t leech gans efkes oet