Refrein:
Ich heb dur e streepke doeër, zegke de minse.
Ich heb dur e streepke doeër, zeet eederein.
Ich bin weer aan de haâl, det es toch gein schan-daâl.
Want eins per jaor, dan gaon ze mich doeër ein.
Ich heb dur e streepke doeër, zeet eederein.
Nao vastelaovundj, dan heb ich ze weer beej-ein.

As dej-je waeke achter-ein gewerktj hetj vör eur broeëd,
of hej-je maon-dje niks gedaon, dan raak-tje uût 't loeëd.
Daorum gaon ich zoeë eins per jaor, 's lekker aan de haâl.
Det es vör uch en auch vör mich, in dieëze tiêd normaal.

De schoeënste daag det zeen vör mich de daag van Karneval.
Dan es mien vrouuw precies as ich, estj auch e gek gevál.
Dan zieët ze: nôw bin ich d'r aan en hieët ze dan wat op,
dan hieëf ze auch waat ich nôw heb, de kolder in de kop.