As ich sjmorges opsjtaon, kan 't best det 't al drie oer sjmiddigs is.
As ich neet kóm zek ich 'geine zin' en gluif maar det det waor is.
Doe kins mich pakke wie ich bön en angers geisse rap maar sjtifte,
As se dinks wie ich det doon, dan kinsse op mien druime lifte.
Ich laef zo wie ich laef: zo is 't good, zo is 't sjoon,
want ich doon, ich doon wie ich 't doon.

Hei, hei, mien meining is mien meining, en die is mich nogal heilig.
Eine waat ein anger kleur veroordeilt is bie mich neet veilig.
Kóm neet mit kal van angere, verhaole die kómpleet neet waor zeen.
Want van leugenaers in miene sjeem krieg ich beheurlik boekpien.
Maar kins doe mich begriepe, sjpraek ich altied diene toon.
En ich doon, ich doon wie ich 't doon.

Zo zit mien laeve óngeveer inein maar det is gein garantie.
Want mien sjtumming kan verangere van waers nao tolerantie.
As se 't eerlik mit mich veur höbs, jóng dan höbs se alle kanse,
maar lul in vredesnaam neet oet de nek, dan kins se dich versjanse.
Zends doe oet op mien frequentie, dan is vrundsjap diene loon.
Want ich doon ich doon wie ich 't doon.

Doe kins mich hate, verlaote, of oere mit mich praote,
probere te bewirke, veur mich baeje in teen kirke.
Ich doon 't gans op mien meneer, lik dich dao dus maar biej neer.
Want ich doon, ich doon sjoon, ich doon wie ich 't doon.