Veurdat ich ging trouwe, moosj ich eesj van miene sjat,
ein paar keer nao de dansles, want die hauw ich noats gehad.
Ich höb mich neet bedach, 't waor mien allerlètste kans,
om sjnel nog get te oef'ne, sjpesjaal veur de äöp'ningsdans.
En och, auch al deeg ich mien bès, 't woort zoal biejein toch gein succes.
Ich sjnapde neet wat ich moosj doon, en sjtóng mich zellef ummer oppe sjoon.

Refrein:
Ich dans wiej 'ne clown, ich dans wiej 'ne clown.
Mien veut zèt ich sjnel achterein en dan blief ich sjtaon.
Al doon ich mien bès, ich raak oete maot.
Wat ich auch prebeer, ich blief taegedraods.
Ich dans wiej 'ne clown, ich dans wiej 'ne clown.
Mien veut zèt ich snjel achterein en dan blief ich sjtaon.
Jao-jao-jao-jao, egaal wat ich wil.
Ich krieg gein versjil, mien veut die sjtaon sjtil.

De tieje zeen veranjert, want wo blifse allewiel.
Mit foxtrot en mit samba in d'n auwerwètse sjtiel.
En kiek ich in d'n disco, dènk ich 'die zeen ram gesjteurd'.
Pès eine mich verdutsjde dat 't ech waal zo heurt.
Dae 'house', jao toch is dae neet sjlech.
Ich kóm dao tón-nog re'dlik mit eweg.
Mien sjprunk, nae, die valle neet op.
Ich kóm noe mit danse neet meë sjtop.