Mit vastelaovend zaog ich dich, en waor meteen verlore,
ich keek dich toen verlaege aan, verleef tot euver mien oere.
Ich pakte al mien mood biejein, en sjprook toen taege dich:
'Dich bis ut meedje dat ich zeuk, noe loester es nao mich'.

Refrein:
Ich bin verleef wil mit dich gaon.
Kom dans mit mich blief dao neet sjtaon.
Ut ganse jaor hub ich gewach.
Kom dans mit mich de ganse nach.
Zo dicht biejein wil ich vertille.
Vannach gaon veer de sjterre tille.
Kriebels höb ich nog noeëts gehad.
Ich bin verleef op dich mien sjat.

Mien leve sjat dich bis vuur mich, d'n hemel op dees Breuker-aerd.
Dien blauwe aoge zint vuur mich, vuur mich ut allermeiste waerd.
Es ich dich in die aoge kiek dan dink ich ummer weer.
Dich bis ut jungsjke dat ich zeuk, wat zeen ich dich toch gaer.

Dees karneval kint neet mer sjtuk, veer blieve alle daag biejein.
De echte leefde gruijt biej os, mien hertje sjleit vuur dich allein.
Dich bis vuur mich ut groeët gelök, dich bringst mich van de wies,
kom pak mien hand en dans mit mich in't Breuker paradies.