Refrein :

Ich bön eine vastelaovesgek
Bön neet wied van hoes, mer ‘nne tied neet thoes
Ich bön eine vastelaovesgek
Löp dae wèkker aaf, wuuerdj neet gesnoez
Drie daag te laat nao heim
Drie daag ’t vaat te klein
Drie daag op paad mitein
Vastelaovesgekken óngerein

Couplet 1:

Stèl dien weegske stóng in Sneek, of in de Jordaan
Dan zóngs doe In Nije Dei, of van Tante Sjaan
Skûtsjesilen, fierljeppen, fietsevèssen inne grach
Mer wie sjoean ’t dao ouch is, ein dink misse ze dao nag
Ich dank Oze Leven Hieër oppe bloeate kneen
Det ich hie gebaore bön en noe viere kin

Couplet 2:

Mer mien weegske det stóng hie, bön zoea Limburg es mer kintj
Ich vastelaovenj toet de nach ‘t weer van d’n aovendj wintj
Es de res aan ’t kösse ruuk zeen veer Limburgers nag fit
Leedjes mit ‘n zaachte G die nachtegaal veer mit
Ich dank Oze Leven Hieër oppe bloeate kneen
Det ich hie gebaore bön en noe viere kin

Brök:

Gebaoren hie? Getaogen hie?
Dan höbs doe nieks gemis
Vastelaovendj is ’t sjoonste
’t Leukste, tofste, fijnste, coolste, mafste, gaafste, fraaiste, gekste, bèste, vètste, sjiekste, manjefiekste waat d’r is
Jalalalalalalalala
Jalalalala, jalalalala
Jalalalalalalalala
Jalalalalalalalala

Slot:
Drie daag te laat nao heim
Drie daag ’t vaat te klein
Drie daag op paad mitein
Vastelaovesgekken óngerein
Vastelaovesplekkers ein veur ein
‘t Roead gael brónsgreun eikehout hèltj ós biejein