Refrein:
Ich bèn kepsj, ich bèn kepsj, höb gein geldj mea in de tesj.
De beusj is laeg, mit groate sjlaeg vloog 't geldj mich oet de tesj
Noe zèng ich hie op sjtraot: kump den tied, dan kump auch raod.
Ich maak mich noe óm niks mea drök en dat is mien gelök.
Ich bèn kepsj, ich bèn kepsj, höb gein geldj mea in de tesj.
Ich maak mich noe óm niks mea drök en dat is mien gelök.

Hie sjtaon ich, es ich zègke maog, zónger good of geldj.
Me haet tevööl van mich gevraog, op deez' groate welt
Mer noe ich niks mea gaeve kèn, dus auch van alle zörg aaf bèn,
noe kiek ich bliej de welt weer in, 't is ein nuuj begin

Oos Limburg krit de wèndj van veur, de zake hie gaon sjlech.
Probleme sjtaon hie veur de deur, et sjient veer höbbe pech
Mer auch al geit et neet zoa good, veer hawte ummer gooie mood,
want zelfs es alles taenge zit, zunk jederein hie mit