Intro:
Houwt 'ns diene baviaan, noe sjwieg dich 'ns de moel!

Refrein:
Houwt 'ns diene baviaan, noe sjwieg dich 'ns de moel!
Sjeij oet mit zeiv're, moeljaan,
't kumpt gaar neet op dat moelwerk aan.
Houwt 'ns diene baviaan, noe sjwieg dich 'ns de moel!

Zefke is unne groeëte moelejaan,
van klings aaf aan, van kinks aaf aan.
En Zefke, dae zeivert uuëveral tegenaan,
comme çi, comme ca, sjpontaan!
Wie hae mit veul kabaal de welt op woar gebrach,
beuekde hae d'r ganse daag en beuekde hae de ganse nach!
Veerentwintig sjtond d'r daag trok Zefke doër,
en noa 'n nach of twieë zong de ganse Vroudvrousjoeël in koër :

Zefke moelt dich de oëre van d'r kop,
sinds hae mit beueke is gesjtopt.
En Zefke, kumpt mit zien moelwerk neet mieë sjtop,
dae breuzel huuërt noeëts op.
Op alle sjoeële die os Zefke hat bezoch,
wis d'r meister of de juffrouw al noa ein minuut genog:
Wat is dat Zefke unne groeëte moelejaan,
en d'r ganse kroam, dae zong noa twieë minute al sjpontaan :

Zefke geit zieëve daag de waek op sjtap,
't leefste moelt hae aan de tap!
En Zefke, moelt ummer of 'r alles sjnapt.
'chSjnap neet wie hae dat lapt!
Gaef os Zefke mer 'n drupke en 'n kruk:
Zefke moelt dich van de zökke aaf en waazelt aan ein sjtuk.
Mer begint os Zefke uuëver poletiek,
truk d'r kastelein drek aan de bel en zingt d'r ganse zjwiek :