Refrein:
't Geit heij wir los in Kepèl, dao kènne we hossen en sjpringen.
Kom mer beij ôs nao Kepèl, wae gaon heij auch dansen en zingen.
Bliehf mer beij ôs in Kepèl, vergaet effe de zurg van 't laeve.
Noow geneet mer en maak wet plezeer en veul sjpas,
det geit good beij ôs in Kepèl.

Idder jaor um deze tiehd geit 't masker oeht de kast.
Oos pekske wurd auch wir glaad gesjtreken.
De sjminck wurd dan auch wir op tiehd ingekocht,
nao 't geld wurd neet erg nao gekeken.
Wae zitten oos aller beste beinke veur,
idder duit zien uuterste best.
En is alles klaor, dan gaon wae d'r aan,
heij beij ôs in Kepèl.

En nao dreej dolle daag geit alles wir gewoën,
de carnaval is dan vurbeij.
Werken en sjoeften begint dan wir veuraan,
idder sjteit dan wir vur zien eigen.
Dus pak uch nouw allemaol samen, hank in hank,
en drink samen ein glaeske beer.
Lach, zing en dans, 't is neet te deur,
heij beij ôs in Kepèl.