Jonges en maedjes, kom ens hej, 't is now weer Carnaval.
Zeuk og ein aardig pekske oet, kom mit os noa d'n bal.
Euveral haet me now plezeer, haet me lol veur zes.
Maar nörges viert me Carnaval, wie bej de M.T.S.

Refrein:
Hald og gereid, weg mit 't leid, now wuurd d'r lol gemak.
Eeder student haet mit talent ein maedje beetgepak.
Now wuurd gedans en wat gesjans, dan kump vanzelf de res.
't Verke knort al zien bes, laeve de M.T.S. !

As Vasteloavend kump in 't land, waare wej stapelgek,
hoale 't verke van de stal, klumme op ziene nek.
Eederein goeit de beuk aan kant, dink neet aan de les,
geit noa de Vasteloavesbal, bal van de M.T.S. !

Laeve de Prins, de Road van Elf, laeve de verkesstal.
Laeve de hieële M.T.S., die kint me euveral.
Jao, ozze Vasteloavesbal haet altied succes.
Eederein zaet, as hae os zuut: det is de M.T.S. !