Refrein:
Kom nów en häök mer in, van dörpke wies groëte stad
Wals alle kroege, zale, pleine, same plat
Kom nów en häök mer in, sjoenkel uch oét de naod
Huur ‘s, ut hert van Limburg sleit un drej-kwartsmaot
Slot:… Jao dit oetgebreid gehäök is puur gelök veur
jònk en aod

Couplet 1:
De Maas gaon ich gaer euver mèt ut veer
Det dink det deint zoe zalig op en neer
En ich weit good det d’r un brök is, mer ut leefste
vaar ich sloom
Det ich wiegend op ut water in de juuste sjoenkelstumming koom

Couplet 2:
Dees daag gaon al die leedjes lekker snel
Mer van un welske kriég ich kiepevèl
Jao dan zeen ich de ‘sterre straole’, veul mich wie
Rieu zoe riék
‘t Is geneete as ich dan in al die twinkelende auge
kiék
Brök:
En… haoj deze wals op staum zoe desse vanaaf de maon
Os golvend Limburgs lank van links nao rechts zuus gaon!