Refrein:

Wae veere en geneete van dit sjoeën gelöksmoment
Laef dien laeve, lang laeve de lôl
Dit hiê en noê belaeve wae,
Get Lache kòstj dich geine cent
’t Glaas neet halluf leeg mer halluf vôl
’t Glaas neet halluf leeg mer halluf vôl
(Jalalalalalalalal lalalalala lalalalala)

Couplet 1:

Ich laup ut kefee in en zeen dich staon
Dan weit ich ut is nog lang neet gedaon
Sjoenkele, fieëste, same get zinge
Deze dans gaon wae neet òntspringe

Euveral op straot, verdwaaldje pruuke
Kinst de mik van de bekker al ruuke
Dit sjoeëne moment keûmtj eder jaor trök
Dit is echt vastelaovesgelök

Couplet 2:

De daag zeen lânk, wae gaon wie eine trein
Opa dae lachtj, en haeltj òs op de bein
Same met zien joonk gelök ziej aan ziej
Maaktj hum gruuëts en zeker auch hieël blie

Koestertj de tiêd dae hae belaeve maag
Want vastelaovendj, zeen de sjoeënste daag
Mer op aswoonsdig dan deenktjer weer trök
Aan die sjoeën momente, van gelök

Brök:

En as ich al waat ich woeëj, mèt heb gemaaktj
En dao knipaugtj ein ster-ke nao mich
Draum ich trök euver toen, ich bèn blie en content
Det is ein vastelaoves gelöksmoment

(Jalalalalalalalal lalalalala lalalalala)

Slot:
Wae veere en geneete van dit sjoeën gelöksmoment
Laef dien laeve, lang laeve de lôl