Refrein:
ach leve sjat, doe bès zo knap,
es ich dich zeen dan ben ich gans van de wap
doe bès veur mich zo gans biezônjer
doe bès veur mich kompleet 'n wônjer
och ! wie gaer haw ich dich effe 'ns gesjnap
mer es ich veur dich sjtoan, dan ben ich van de wap
dan waere allebei mien kneeje weik wie pap
neij, as ich veur dich sjtoan dan ben ich van de wap!!

druime doon ich moande al , allein allein van dich
en houp in mien gedachte sjat, datstoe auch druims van mich.
dan num ich 't mich ummer veur:... mörge wurd d'n daag!
dan goan ich 't hoor vroage!!......mer ojee d'n angere daag...
dan höb ich gein idee wie ich de mood verzamele môt
dan kruuts ich mich de vingers mer... och God... och God... och God...

ich zoag dich in de supermert doe sjtongs bie 't gebak
van al 't lekkers dat ich zoag , haw ich 't leefste dich gepak.
dien blauwe auge, dien figuur, dien hoare oh zo blôndj
bie al dat fruit en lekkesj leep mich 't water oet de mondj...
ich wou nog zegke: ' oh waat bèstoe sjoon !! waat bestoe knap!!!
mer ich rierde op mien bein, neij ich woar helemoal van de wap......