Eedere zonjig gaon ich mich d'r eine drinke
Det is al jaore zoea hoof mich neet te bedinke
Ich hang den altied mèt mien vrunj get aanne tap
En es veer lache is d'r geine dae ut snap
Veer zitte mèt zien alle den te klasjenere
Mèt un glaas beer doon veer os altied amezere
Mer Bolle-Jan van os dae is un bietje haol
Eedere zonjig weer detzellefde verhaol
Veer drinke noe eine van dich, mosse den kieke zien gezich
Ich hoof d'r geine mer drink eine van mich

Refrein:
Gaef os un glaeske beer den kriege veer plezeer
Veer gaon um rake, waat zal dae smake
Gaef os un glaeske beer den kriege veer plezeer
Ut geit weer lekker snel waem rietj d'r aan die bel?

Veer dinke zonjesaoves ech neet aan ut wèrke
En aan os drinke is det dus ouch good te mèrke
Hoos nieks te doon doe wüërs vanzellef lekker zaat
En ouch dae tied dae vluug ut wüërt al stiekem laat
Kump den zoea langsaam ut moment van ut betale
Begintj dae Bolle weer te zweite en te bale
Want Bolle-Jan van os dae is un bietje haol
Eedere zonjig weer detzellefde verhaol
Veer drinke noe eine van dich, mosse den kieke zien gezich
Ich hoof d'r geine mer drink eine van mich

Mer dae Bolle witj besjeid
Det ut zoea neet wiejer geit
't-is noe aafgeloupe mèt die haoligheid