Refrein:
Jao, vier hubbe ’t te pakke
En vier gaeve ’t gaer doeër
Nae, ’t hingt neet in wiej zakke
Vier viere eeder stundje,elk oeër
D’r opa goof ’t aan de oma
En oma aan mien mam allich
En die goof ’t dat kinste sjnappe
Natuurlik ooch waer doeër aan mich
(gaef ‘t ,gaef ’t doeër aan mich
Dan gaef ich ’t doeër aan dich!)

Couplet 1:
D’r opa zoog ’n leef maedje
Mit vastelaovend, witse dat?
Hae peuënde oma in ’t paedje
En zag:du bis miene leve sjat !
Zouwe vier same gaon trouwe
Dao loog leefde op de loer
En zoeë zint vier d’r aa gekaome
En vier gaeve ’t gaer doeër !

Couplet 2:
D’r pap dae zoog ’n leef maedje
Mit vastelaovend witse dat ?
Pap peuënde mam doe in ’t paedje
En zag : du bis miene leve sjat
Zouwe vier same gaon vrieje
Dao loog leefde op de loer
En zoeë zint vier d’r aa gekaome
En vier gaeve ’t gaer doeër !