Refrein :
Gaef jederein:
Ein pluumke oppe hood
Ein vaer vol goowe mood
Ein sjeutje prinseblood
Dan trèkke veer:
De ganse kraom op gank
Mit polonaes en zank
De gansen aovend langk
Veer zeen gein prins, gein adjudant
Wat kènt dat gaeve (Wat kènt dat gaeve)
Waal neet de bèste van ’t landj
Mer toch de eesjte deur daonaeve! 

Couplet 1:
Sjtèl, wat zou d’r gaon gebeure
Es ooze prins d’r neet zou zeen
Es dae zich ram hauw versjlaope
Of pien hauw aan de dikke teen
Zou ós fees dan zo mer sjtoppe
Wie ein bloom verwelk in de knop?
Nae! Dan kump ós oerkrach baove
Dan sjteit in ós de leider op! 

Couplet 2:
Mer de prins dae is in ós midde
En dao sjteit ouch de Raod van Èlf
En die weite wie de bèste
“Zónger ós löp hie niks vanzelf”
Toch: ’t is good óm te weite
Allein mer veur ’t geval dat
Es de nood ooit aan de man is
Hóbbe veer hie talente zat

Brug:
Veer weite van de prins gein kaod
Veer weite waal mit alles raod
Laot ’t mer kómme wie ’t kump
Veer zeen gein Rutte, Merkel, Trump
Mer waal de eesjte deur daonaeve!