Liedje oet de Echter Revue van 1999 ''t geheim vanne Echter Krakeling'

Refrein:
Frank en vriej trèk ich door het laeve,
mit woonwage en paerd de waereld rôndj.
Äöveral en nörges kôm ich heives,
äöveral en nörges, miene gebaortegrôndj.

Es mien hert mit heimwieë klop, bön ich te lang gebleve.
Mien zigeunerblood det duutj, haet mich altied vroetgedreve.
Zeen ich in ein dörpke, zo'n maedje zoa wies'toe,
dök in zo'n dörpke, kömp verleefdheid, op momente zoea wiej noe.

Es ich in dien auge kiek, zeen ich doezendj klueëre.
Mien zigeunerhert det sluit, ich wil altied biej dich hueëre.
Ich zoog in al die dörpkes noats ein maedje zoa wies'toe.
Trèk mit mich mit, door de waereld, bedènk dich neet, kôm noe.

Refrein:
Frank en vriej mit mich door het laeve,
mit woonwage en paerd de waereld rôndj.
Äöveral en nörges, bön ich biej dich.
Äöveral en nörges, mit mich de waereld rôndj.
Äöveral en nörges, zeen weer altied same.
Äöveral en nörges weurt den oze gebaortegrôndj.