Refrein:
Zoee rônd november krieg ich last van boekpien.
''Gaotj nao de dokter', zag mien vrouw, di-j hetj Stien.
Dae mins dae zag: 'Och jong ut gieet uch good.
Niks aan de hand allein konfettie in eur blood'.
Jao, det es toch waal zoee'n apaart geveul.
Ich dink: ''Ze kaome weer, di-j daag van flauwe kûl'.

Aan 't indj van ut jaor , krieg ich flink de kuuere,
heb gekke zin en laot mich dan gaer huuere.
Ich heb di-j streeke eeder jaor al gauw,
en ich wil dan auch niks as met oees Stien sjouw.

In de kast hingtj mien pak, mien pruûk en samba balle.
Kiek dao es nao en dink 'Waat zaltj weer knalle'.
Ich gaon verkleidj noow vör de speegel staon.
Noch efkus en dan zal ich 'm laote gaon.

Mien vastelaovendjhert kloptj alweer wat vlotter.
As Rogstaeker waer ich noow almer zotter.
De schoeene, gekke tiêd dae es weer dao.
Ein aluk jaor gewachtj, verlang dao êrrug nao.