Fladdere
As ich 'n veugelke zou zin, dan koos ich vleege,
Mer of ich 'n veugelke wou zin?.. 'ch zou motte leege!
Ich vloog mesjien de gansen daag euveral haer..,
mer veur 'tzelfde geld zoat ich in 'n voljaer!
As ich 'n vlinderke zou zin, dan koos ik fladdere,
van 't eine bleumke noa `t angere.
Mer al vleege de vlinders en de veugel meistal rondj,
ich blief 't leefste mit mien veutjes op de grondj.
Refrein:
Toch wil ich aaf en toe 'ns fladdere! Lekker fli, lekker fla, lekker fladdere,
Van 't eine blumke noa de anger bloom, en d'n angere daag dan goan ich
angesj-om.
Toch wil ich aaf en toe 'ns fladdere! Lekker fli, lekker fla, lekker fladdere,
En zo'n blumke zoa wies tich löp dik de kans: doa fladder ich vandaag of mörge
effe langs,
Tussenstuk: Allein koor
'ch Fladder hie, 'ch fladder doa, kom fladder mich mer achternoa..
'ch Fladder hie, 'ch fladder doa, ich fladder.. ach.. ich weit neet woa!
As ich `n vlinderke zou zin, dan zou ich sjweeve,
hoog in de loch, boave ederein verheeve.
Ich fladderde van links noa rechs, van sjtroek tot sjtroek,
ich zou 'ne vlinder zeen mit vlinders in de boek!
As ich 'n veugelke zou zin dan zou ich zinge,
ich zou zo gaw de zon opkoam direk beginne.
Al dreef ich dan op de windj zo lekker rondj..
'ch blief toch 't leefste mit mien veutjes op de grondj.