Fijn geveul

Tekst: 
Ed Gravee
Muziek: 
Ed Gravee
Artiest: 
Ed Gravee
Album: 
Ed Gravee - 'Reagenboag'
Plaats: 
Berg aan de Maas

't Is vandaag eine daag, zonger poespas en zonger gejaag.
Geine stress en gein gezeur mer effe oet de sjleur.
'ch ben vandaag in miene sas, want vandaag laup ich neet in de pas.
Lekker ongeroet mit dich, wat ein geluk veur mich.

Refrein:
De gerdiene toe, en de deur op sjlot.
Deze daag kent zeker neet meer kapot.

En de kachel brent heel zach, joa 't knettert van zeeve tot ach.
Doa noa wurt 't vuur gedoof omdat 't sjnachs neet hoof.
En den tied tikt sjnel weg, 't geit allemoal zo sjnel dat is pech.
Dus geneet ich mer der van zwoa lang dat 't nog kan.

Refrein:
Zengend op de trap noa de douchekabien.
In mien bloote vot mit ein gleaske wien.

En vanoavend tot vanach, wurt gedans en geknoeveld heel zach.
Tot 't leech oet geit en 't meunke aan de hemel sjteit.
Joa vandaag woar vandaag, en wat murge kump dat is nog vaag.
't Is mer good dat ich neet weit wat murge komme geit