Refrein:
T'is fiëst, fiëst, fiëste geblaoze, same gaon wae raoze
Zét dien zorg ane kantj
en pak ein träöt inne handj
Van toet, toet, toete nog blaoze, same gaon wae raoze
D?n aaftocht blaos ich neet
inne aanval mèt dit leed
T'is fiëst, fiëst, fiëste geblaoze
Haol mer hiël deep aom, want wae gaon door...
...toet oppe baom

In Limburg is ('t) plezeer gebaore
Gein reeje óm te fiëste geit verlaore
Same zinge, danse ziej aan ziej
Wae zeen de groeatste zaate hermeniej
Want zwiege is zilver en blaoze is goud
T'is fiëste geblaoze in 't brónsgreun eikehout

't klinktj missjien get äöverdraeve
Mer fiëste bringtj 'ne miens pas echt toet laeve
Laot mer weije, blaos noe dien partiej
Jao, träöt dien eige laevesmelodiej
Ein merske of polka, 't maaktj gaar neet oet
T'is fiëste geblaoze, zèt die träöt noe aan dien snoet