Couplet 1:
't Einde van 't jaor kump weer mit volle vaart op òs aaf.
Sinterklaos mit ziene aanhang haat zich oet de veut gemak.
D'r folderjong sjmiet get extra reklame in de bus.
De winkels vulle de sjappe weer pis aan 't daak.
Dus went boete d'r sjtorm geet weie, d'r weerhaan rundjes sjteet de dreie,
En 't water os tot aan de lippe sjteet,...

Refrein:
...sjuifel ich langs 't krisdinee, d'r hieëmel gans wiet weg.
Ich zieën in inne oogopsjlaag 'n felle murgesjter.
Dan vraog ich mich digker aaf went ich Krismes vier:
Bin ich noe d'r herder of bin ich d'r herbergier?

Couplet 2:
D'r versjangeleerde krisman hingk te bungele aan e raam.
Mit veuël gedeuns opgehange, ich aom brikettezjwaam.
't laeve past dees daag in doezend lieskes tegeliek.
Ich zet d'r radio mèr oet, al jaore d'rzelfde krismuziek.
En vier zette weer d'r krisbaom op, ummer vreuger jieëker jaor.
Gelukkig waet 't binnekort smurges vreuger klaor.

Refrein:
Ich sjuifel langs 't krisdinee, d'r hieëmel gans wiet weg.
Ich zieën in inne oogopsjlaag 'n felle murgesjter
Dan vraog ich mich digker aaf went ich Krismes vier:
Bin ich noe d'r herder of bin ich d'r herbergier?

Reprise:
Mè ofsjoeën 't lang neet mieë zoeë koud wie vreuger is,
En 't maagdelik wit van d'r sjnieë zich al jaore neet ech mieë leet zieë,
Alle sjtraote zint verlicht mit zieë van bonte lampe,
Fel greun, roeëd en sjeëlmakend blauw,
Bin ich op waeg nao hoes, mit inne fakkel in d'r gaard.