Couplet 1
Dees daag kin ich get neet duide,
Ich veul mich raar, bin get van sjlaag.
De sjtraote zint zoeë rustig,
Kiek ’t journaal d’r ganse daag.
Journaliste valle euver elkaar,
Aantalle sjteige gans gesjtaag.
‘n Kaerzrecht paad doer ’t veld,
Inne kant druëg en links verlokkelik greun,
Ich dreum mit ’t blauw...

Refrein
De lente wis ’t neet, de lente wis ’t neet,
Ginne sjtrieëp in de blauwe loch, inne frisje nuuje windj.
’t Vuurjaor wis van nieks, ’t vuurjaor wis van nieks,
Keek neet om zich heen, begos inne angere tied?

Couplet 2
Mien mam kint geen bezeuk ontvange, 
Heur verpleeghoes ging op sjlot.
Ginne knuffel om heur te truëste,
geen minuut, geen sjteun, zelfs van God
Verzörgers loope zich de veut plat,
Oer nao oer, daag nao daag.
Vier legke oos heng taegeneen, ich aan dees en zie, aan d’r angere kant,
van de roeët...

Refrein
De lente wis ’t neet, de lente wis ’t neet,
ginne sjtrieëp in de blauwe loch, inne frisje nuuje windj.
’t Vuurjaor wis van nieks, ’t vuurjaor wis van nieks,
Keek neet om zich heen, begos inne angere tied?

Intermezzo

Refrein
De lente wis ’t neet, de lente wis ’t neet,
ginne sjtrieëp in de blauwe loch, inne frisje nuuje windj.
’t Vuurjaor wis van nieks, ’t vuurjaor wis van nieks,
Keek neet om zich heen, begos inne angere tied?

Couplet 3
Factor C is os ueverkomme, d’r duuvel haat os d’r oerlog verklaord,
Geen soldaote in de sjtraot te vinge, 't hospitaal vol, d’r vijand in zicht. 
Vier wandele doer ’t veld, op aafsjtand bie elkaar.
Pak ich dien hand of doe die van mich?
De zon in de loch sjteit te sjtraole, geneete van de sjtilte om os heen,
Zoeë lang ’t nog doert...

Refrein
De lente wis ’t neet, de lente wis ’t neet,
Ginne sjtrieëp in de blauwe loch, inne frisje nuuje windj.
’t Vuurjaor wis van nieks, ’t vuurjaor wis van nieks,
Keek neet om zich heen, begos inne angere tied?

Angere tied.....