Estebleif
Ich bèn gein kèndj mee, mer wil toch vraoge:
'Maag ich aeve mage, zègk estebleif?'
Ich höb mich vandaag de welt èns bekeke
De welt op jats, mee leid es leif
Zo geit ´t, dit nuimp me besjtaon
D´n eine blif zitte, d´n angere mót gaon
Ermoud löp op krökke al väöl te lang
Wae doosj haet zuik drènke, wae vluch dae is bang
Wae ´t geweite haet dae póts flot de plaat
of wilt röstig sjlaope, ´t is al laat
Mer es ich ´n kèndj waar dan zou ich vraoge:
'Maag ich hiej wone, zègk estebleif?'
Dan zouwe de luuj èns nao mich kieke
en zich zègke: 'Waat is ´t leif'
Zo jóngk nog, zo wiet al van de mam
Wils-te get drènke, wils-te ´n bótterham?
Kóm zèt dich aeve, bès mer neit bang
Ich haol get te drènke, ´t doert neit lang
hiej höbs-te get chips en limmenaad
en blifs-te lekker sjlaope, ´t is al laat
Mer bèn ich gein Afghaantje, bèn ich Afghaans
Bèn ich gein Iraneesje, bèn ich ´n Iranese
Bèn ich gein negerinneke, mer ´n forsje negerin
Waat ich dan neit begriepe kèn
Waat ich neit begriepe kèn
Waat ich neit begriepe kèn
Waat ich neit begriepe kèn
Ich sjpeel en laef gaer es ´t geit
is ´t dus de laeftied dae ´t deit?
Es ich ´n kèndj waar dan zou ich vraoge:
'Maag ich hiej wone, zègk estebleif?'