Refrein 
Esse mer sjpas has!
Esse mer sjpas has!
Want de sjoanste kleierdrach
is diene eige sjaterlach
Esse mer sjpas has!
Esse mer sjpas has!
Wurt mit vastelaovend euveral gezag
Van dat sjöddeboeke sjprènge dich de dieke
Laot de luuj mer kalle, laot ze nao dich kieke
Esse mer sjpas has!
Esse mer sjpas has!
Löpste drie daag effe lekker oet de pas

Couplet
(Zittesj)
Oppe kop ’ne bloumespot.
Diene jas haet flink de mot
En dien vaan die is topzjwaor
Pas dien patsj neit door de deur.
Dreegste al echtesjte veur
Knallend rood zo kleurt dien haor
Is dien kammezaol gesjeurd pès in de naod
Jóng, dat maak niks oet,
dat kènt toch gaar gein kaod!

(Bors)
Mer noe kiek ’ns effe hie:
Wat löp Limburg sjoan d’rbiej
Kakelbóntj dans jederein
In de vastelaovestied alle zörg weer effe kwiet
Veer versjtaon ós óngerein
Dan wurt hiej gemaete mit ’n anger maot
Lekker gek doon luuj,
dat kènt toch gaar gein kaod! 26 27

(Gelaens)
Höbste in dien träöt ein deuk
of ’n pruuk die beëstig jeuk
Löp de verf dich langs dien sjnoet
Bèste al ’n bietje teut en al brènne dich de veut
Bruk ’t zjweit dich waal ’ns oet
Is dien soppekleid versjlete pès d’n draod
Meid, dat maak niks oet,
dat kènt toch gaar gein kaod!