Es 't neet geit wiej 't mót, dan mót 't mer wiej 't geit.
Zoa doon veer dat al jaore, want geine wèt van besjeid.
Veer hosse in dae groate po-lo-nae-se,
veer zènge en veer sjprènge ós oet de ma-lae-se.
Zanik neet, doe deis dich zelf leid.
Es 't neet geit wiej 't mót, dan mót 't mer wiej 't geit.

Wo.. blieve de miljoane toch, die veer mótte betale.
De meiste zitte in de gróndj, dao móste ech van bale.
Oos sjoon versjliete èns zoa flot, op hakke is neet te loupe.
Mit meë es veer miljoan tekort, wiej kènne veer nog houpe.

En geit 't èns 'n tiedje neet zoa good,
verlees in hemelsnaam dan neet de mood.

De nuje raod kump d'r veur oet, 't geldj dat is noe pleite.
Diej kènne neet rojaal meë zeen, die sjtaon noe sjtil te zjweite.
College, hie wurd opgelèt, de raod mót noe gaon tèlle.
En es 't sjtraks neet baeter is zulle veer uch weer vertèlle.

En geit 't èns 'n tiedje neet zoa good,
verlees in hemelsnaam dan neet de mood.