Refrein:
Es tösje de Maas en 't kenaal
de vastelaovend is gelandj
Jao, den zènge weer en sprènge weer
't dörp róndj handj in handj
Es tösje de Maas en 't kenaal
de vastelaovend is gelandj
Den stuit bie ós in Roostere
gein mins mieë aan de kantj

In Roostere is hieël väöl werk verzat
drie maeter ómhoag ging de brök
Van Aw-Kirk langs Houtem in 't dörp nao Courage
en daonao dae zelfde waeg ouch weer terök
Mit die ómwaeg is 't noe gedaon
Same kènne weer noe viere gaon

'n Väöl hoager brök die haet tót gevolg
det d'n diek ouch ómhoag is gegaon
mit dien fitske d'n diek op wae haw det gedach
óm in Roost're te kómme det kos dich väöl krach
Mer kumps te den äöver die brök
det oetzich det brunk dich gelök