Refrein:
Es iech ’t nog ‘ne kier moos doen,
deeg iech ’t weer.
Wat iech tot nog touw höb gedoon,
dat deeg iech geer.
Meh in ’t leve höbste neet zoeväöl te keze
Alles kump zoewie ’t kump, zjus wie ’t weer
Es iech ’t nog ‘ne kier moos doen deeg iech ‘t euver
Jao ech iech deeg ‘t obbenuits met väöl plezeer
Wat zouw dat sjoen zien!
Wat zouw dat sjoen zien!
Wat zouw dat sjoen zien!
Zoe ‘nen twiede kier!!!
Wat zouw dat sjoen zien!
Wat zouw dat sjoen zien!
Wat zouw dat sjoen zien!
Zoe ‘nen twiede kier!

Couplet:
Ze hadde ‘m gevraog um prins te weure vaan zien stad
um nao te dinke had ‘r gein minuut nudeg gehad.
De foto oet deen tied dee steit nog altied op de sjouw
Dao löp ‘r nog geregeld stiekem evekes nao touw
Zoe gaw ‘r get vaan Vastelaovend huurt
Zien dit, jaor in jaor oet, zien vaste wäörd...

D’n 11de vaan d’n 11de en Lewieke moos naor sjaol
Dat heer neet naor de Vriethof kos,
voond heer ’n groof sjendaol.
Mer 11 euver 11: wee stoont op de ierste rij?
G’r räöjt ’t al dat waor Lewie, ech woer, heer waor debij
Heer lachde wie heer daonao woort bestraof
Wat iech gehad höb nump miech geine aof….