Iech höb 't al deks wille zegke,
al heet 't mesjien geine zin.
Iech hoof 't toch neet oet te legke,
de snaps wel tot neet alles kin.

Refrein:
Es iech gaon, gaon, gaon, gaon, gaon, gaon,
zuugste miech neet mie trök.
Ofste daan ouch probeers, miech tege te hawwe,
diech zuus nog sjus miene rök.

Met diech is neet same te leve,
de deenks miestal gaar neet aon miech.
De mos kinne numme en geve,
meh, dat is hiel lestig veur diech.

Es diech tich neet hiel gaw veraanders,
daan is 't veur miech wel gedoon.
Alles weurt veur us gaans aanders,
is 't tied um weer weijer te goon.