Soms löp ut fout, soms löp ut mis
Of eederein tege miech is
Daan höb iech nörgens zin mie in
Umtot iech daan zoe depri bin
Daan zit iech fleenk in zak en as
Daan zit iech in de koffiedras
Mien levensvreug ligk in de göt
Iech zit in de put

Refrein:
Meh es iech in dien aoge kiek
Daan veul iech miech opins zoe riek
Geef miech 'n muilke, lekker sjat
Iech höb vendaog noch geint gehad
Jao es iech in dien aoge kiek
Daan sjeint veur miech de zon geliek
Daan brink miech niks mie oet mien doen
Daan is ut leeve toch zoe sjoen

Es ste mer beij miech bis, daan is ut good
Daan bin iech kwiek en fris, sjus wie ut moot
Es ste mer beij miech bis, daan bin iech blij
Daan zien mien zörreg allemaol veurbeij
Es ste mer beij miech steis of beij miech zits
Es ste mer neet weg geis, daan is ut kits
Mien prakkezerereij is vaan de baon
Mit diech kin iech de ganse wereld aon