Bèr kint gaar neet blaoze, 't is geine muzikant.
Mer mit de vasteloavendj stuit zien hert in brandj.
Den hoalt hea wie e wonjer den tuba oet de kas,
en sjpeelt'er zien meziekskes en eederein haet sjpas.
Loester èns, reup Bèr, de speel ich mien consaer !!

Refrein:
Es ich mer ûn tröät höb, den is 't laeve good...
Ich bön den neet te hoaje, de meziek zit in mien blood.
Es ich neet kin blaoze, löp alles inne sop...
Mer huare ze mich tröäte... gans Ech sjtuit oppe kop.
Ich veul mich wiej ein aester zoa vriej, es ich trèk mit de zaate hermenie.
Ich veul mich wiej ein aester zoa vriej, es ich trèk mit de zaate hermenie.

Sjeng haw gaer ein maedje, hae haw zoea gaer ein broed.
Het woor jus vasteloavend dus trok hae der op oet.
Hae haw ze gaw gevonje, de sjaoanste van gans Ech.
Mer wie der hör weol puaane woor ze sjnel e-weg.
Hae greep toen ziene Bas... trok alles oet de kas...!

Graad is eine druaage, dae geit noait ens op stap,
mer mit de vasteloavend hingt'er aan'en tap.
Hae preuftj de gansne aovendj, waem kintj dae Graad nog trök ?
Ût is neet te geluive, dao klumtj'er op ein krök.
Hae sjnapt zich ein trombône... en leutj 'm noch ens goan!!!