D'n haon zit bij zien hinne, heer helt bij hun de wach.
Meh es heer daan beginne geit, veurbij is de nach.
Want es 't morregeleech velt, kump heer vaan ziene stek,
heer sjoddelt ziech zien vere oet en rek ziech ziene nek.

Es d'n haon geit kreije, daan is bij us get loos,
daan is bij us get loos, daan is bij us get loos.
En es d'n haon geit kreije, ederein moot daan d'r oet,
ederein moot daan d'r oet, veer mote d'r oet.

'n Hallef eurke later, daan helt heer eindelek op.
Iech hob daan 'ne kater en heer helt daan ziene kop.

Iech bin mer goon verhuize en woen noe op de hei.
Iech dach nog bij mien eige, jao, al 't kreije is veurbij.
Had iech miech mer besjete, 't waor bij 'n boerdereij.
Iech had 't kinne wete, zoe'nen haon dee zit ouch hei.