Refrein:
Es de miene veurgood gaon verdwiene
en de sjach maak veur altied sjich
hoof de kómpel neet mier te versjiene
dan krieg Limburg 'n ander gezich.
Óngergrónds zal gein mienlamp mier sjiene
en 'Glück-auf' klink dan es 'n vergaete gedich
es de miene veurgood gaon verdwiene
en de sjach maak veur altied sjich.

Ze wille de miene gaon sloete.
Wae wit wae de lètste vrach kaole dan krig.
Dan zal gein sirene mier toete.
En zitte de kómpels opèns zónder sjich.
Weej hope det 't jaore zal deure
veurdat 't veurgood geit gebeure.

Mar as al die miene gaon zwiege
dan bin ik benuujd wae de kómpels bedank
en of ze 'n ierelint kriege
veur al hun geploeter in drek en in stank.
Mer meschien veult de kómpel zich baeter
zónger lintje op achthónderd maeter

Zèg luuj, heb ge d'r wel 's efkes beej stilgestaon wat d'r geit gebeure mèt de
kómpels en hun gezinne as de miene now 's werkelik gaon verdwiene. He.
Óndergrónds zal gein mienlamp mier sjiene
en 'Glück-auf' klink dan es 'n vergaete gedich
as de miene veurgood gaon verdwiene
en de sjach maak veur altied sjich
en de sjach maak veur altied sjich